Эрын соло

хүг. Булад Бадмаевай, үг. Баяр Самбуевай

Анда нүхэд олонтой һаа,

Агта хүлэг моритой һаа,

Эгээ тиигээд хүбүүтэйл һаа –

Эрхимүүдэйн нэгэн байхаш.

Хурдан сагые эмээллээд,

Хүбүүн бэлигээ олоол һаа,

Эсэгын һанаан, байдалдаа

Эрид хэмдэнь таарахал даа.

Мүнхэ бэшэ бэедэмни

Мүнхэ һүлдэ зориг байха,

Мүнхэ һүлдэ зориг байха.

Угай түүхын эрьесэ юм һаань,

Уужам һайхан сэдьхэлтэй һаа

Түмэнэй зууе, Монголой,

Толгойлхошье байгаа гүб даа?