Дуулыш, намдаа

хүг. Булад Бадмаевай, үг. Николай Шабаевай

Дуулыш, дүүхэй, дуугаа,

Дуран тухай дуугаа,

Дуулыш намдаа, дуудыш,

Дулаа жэгнэн ерыш.

Хэды удаан шамай

Хүлеэн байнаб, мэдыш,

Хөөрхэн урал, нюдыш,

Зөөлэн үһыш һанаад.

Дуулыш, хүхииш, дүүхэйм,

Дуран гээшэш һайхан.

Алаг зүрхыш хэзээш

Абаад, абаад байхал.

Хэды удаан шамай

Хүлеэн байнаб, мэдыш,

Хөөрхэн урал, нюдыш,

Зөөлэн үһыш һанаад.